Saturday, March 23, 2013

School days.....

kuchh esa  wakya humare sath hua tha...

school ke dino ki baat hai ye....
kabhi hum bhi padhne jate the...
bahut maje aate the humko...
sangi sathiyo se mil jate the...

teacher ji kya padha rahe hai...
uski khabar na rahti thi...
kitabo me muh chhupa ke...
bajuwale se thitholi karni thi...

ghar aake bas fenk ke basta...
khelne ko nikal jate the...
bas papa ke ghar aane se pahle...
homework karne beth jate the...

puchhne pe padhai ke haal
sabko badhiya batate the...
jo sawal mummy puchh leti...
"abhi padhaya nahi" batate the...

masti ki bas ye duniya...
badi suhani lagti thi...
exams bhi dene hote hai...
bhul gai ye "mati" thi...

aaye jab exams to...
syllabus dekh ke bura hal hua..
har sawal ajnabi sa tha...
doston jina hua muhal tha...

padhte hue hanuman chalisa...
exam dene jate the...
jo answer sheet pe likh ke aae...
kisi ko nahi batate the...

pass hone ke liye humne...
sabhi devo ko manaya tha...
result aaya to pata chala...
humara huwa safaya tha...

No comments: